الفروت سلاط

[center]

السلام عليكم


الفروت سلاط ( او سلطه الفواكه)






المقادير
=====
*فراولة _ موز _ تفاح _ برتقال _ سكر _ كريم شانتية _ ايس كريم .

الطريقه:-


· اغسلي الفراولة كويس وشيلي العنق الاخضر بتاعها .
· اذا كانت الوحدات صغيره خليها زي ما هيا واذا كانت كبيره قطعيها حلقات او نصفين
· رشي عليها سكر كتير واركنيها علي جنب هاتلاقيها بتنزل العصير الاحمر بتاعها كتير
· قشري الموز وقطعيه شرائح مدوره وحطية علي طول مع الفراولة علشان مايسودش ,,,
· قشري البرتقاله وقطعيها مكعبات وحطيها عليهم براحتك وممكن تقشري التفاح وممكن لا وتقطعيه بردو مكعبات وتحطيه معاهم
· قلبي كله مع بعضه وممكن تفتحي علبه كومبوت اناس او كريز او خوخ وقطعيهم برضوا قطع واضيفيهم علي الفاكهه بتاعتي
· ضعيهم في الثلاجه يسقعوا والفاكهه هاتنزل مايتها وهايتجانسوا مع بعض

عند التقديم:-


· اذا كانت المناسبه عيد ميلاد مثلا صبيه في طبق غويط التجميل عن طريق وردات الكريمه وفي كل ورده كريزه صحيحه
· اما اذا كان للضيوف عادي يصب في كاسات ويجمل بنفس الطريقه او ممكن اضع ملعقه كبيره كريمه علي كل كاس واقلب واخلط الكريمه بالفاكهه
· وبعدين بالملعقه المخصوص بتاعه الايس كريم اعمل كره ) بوله ( ايس كريم علي وش الكاس وممكن ارش رشه مكسرات مفرومه حسب الرغبه

وبالهنا والشفا

ملحوظه :-


اذا قطعتي الموز قبل وضعه علي الفراولة بفتره اعصري ليه نصف ليمونه عشان مايسودش واذا اضفتي للمكونات علبه كمبوت ممكن تحطي من العصير الي قي العلبه علي الفاكهه وتقلبي كويس



مستنية رايكم[/center]

شكرا ننوسة

منورة يا جميل

وبالهنا والشفا

انا لسة وكلة فروت سلاط امبارح

ولو عملت الفروت سلاط هبهدل الدنيا انا لسة صغيرة عندى 9سنين و10 شهور

معلش لماتكبرى شوية

ابقى اعملية

اوك؟

اوك

صنف شهى ومفيد شكرا نور

معاكى حق

العفو يا عسل